Psa 146 | SWP | STEP | GUIAU au hedebasaei! Earuagu e, GUIAU u hedebasaei!

Psalms 146

GUIAU se hedebasaei ena laulau duduraidi debadi eai

1 GUIAU au hedebasaei!
Earuagu e, GUIAU u hedebasaei!
2 Eau GUIAU abo ea hedebasaei i lau e egu mauri sigana;
sora ma maumaurigu GUIAU hedebasaena abo ea wanai.

3 Wasawasa tabu au sunumaedi,
tanoubu tauna hinage tabu au sunumaei, ia arinai nige aba haisagusagu.
4 Ia eawasina ie ohi abo i uio i hemala tanouio;
meta asubenana ne ena nuatu se lautom.

5 Tau ne ie kode, ia wa tausaguina ede Iakobo ena Eaubada,
ena sunuma ie tore GUIAU ena Eaubada arinai,
6 ia galewa eo tanoubu tauginauridi
gabogabo hinage, ma ginauri gamagamagarina;
ena riba i otaesegai i lau e nige nosina;
7 abidudurai i hemasaraha isi se heamamnadi aridi eai;
eo tau guriguriam ia aiai adi i mosedi.
Tatao auaudi GUIAU i eairihaidi se lau;
8 GUIAU matagibugibu tataodi matadi i helaladi.
Tatao nuadi se porohe nuadi i hemamaradi;
GUIAU laulau‐dudurai tataodi i gadosisiedi.
9 Taulaolaoma tataodi GUIAU i itawataidi;
wabuwabu eo dabudabure i abididinidi;
na laulau gewagewa tauna ena dobila i hetatagorigori.

10 GUIAU ena wasawasa huiana i laulau e nige nosina,
Siona e, em Eaubada ta, i lau e hari isi to hari isi.
GUIAU au hedebasaei!